嘅气氛仍然紧张。我哋原本稍稍领先，但系喺後来又被对面追返，仲反超前多三个Run。得返一圈，想要追番三分都有啲难度。
「做到做到！」
过咗两个几钟，企喺侧边嘅观众都已经开始嗌到攰，而场上面嘅人更加系疲态尽现。
啱啱又换返出嚟嘅Thomas，投出最後一圈嘅第一球。
对面击中个波，开始跑，但一吓就俾我哋接住。
「woooo！」睇咗咁多圈嘅我已经识行分辨几时应该欢呼拍手。
急促起伏嘅心口令捕手背口嘅号码有啲摇晃。球棒击中垒球嘅声音响遍球场，球员即刻掉低球棒落凹凸不平嘅泥地向一垒跑，但个波比佢更早抵达一垒。
我哋好辛苦咁守住最後一圈嘅分数，确保无更多嘅拉开，然後先到我哋进攻。
「得嘅得嘅！」「做到啊」「最後啦搏尽啊！」打气声此起彼落，大家都期待紧会唔会有一个突然嘅逆转胜。
第一个上场嘅打击手系一个膊头好横嘅男仔。佢拉开几下背脊，打开背肌，成个人好似打横延伸多一半咁。佢举起球棒。
来回拉锯三球，第四球仍然坏球，佢轻松跑向一垒。
第二个打击手都轻易地上垒，令我哋呢边都开始有返啲希望。第三个打击上垒失败，one down。
12号嘅球员上场，系我哋嘅皇牌打击手，系一个肥肥地嘅大仙。
「肥仔！做到啊」隔离嘅Benjie呢刻都非常激动。
第一球坏球。第二球orike。坏球。坏球。第五球抛出一条笔直嘅直线，球棒喺切过僵硬嘅空气。孔武有力嘅手臂使全身嘅力都灌入咗棒上面。
「砰—」锐利嘅声音击破全场。
「哗?」「Wooo—」我哋呢边随住打出场外嘅垒球，爆出热烈嘅欢呼声。全垒打，代表我哋追返三个Run。
喺垒上面嘅球员跑过嚟本垒，场边嘅队友同埋观众都行前同佢high five。我哋呢边嘅球员都明显地和顔悦色咗好多，连脚步都轻浮咗。喺我哋嘅一片欢呼声之中，追反平手。
另个嘅两个打击手都想帮我哋反超前，但明显对手防守都加强咗。喺平手嘅情况下，我哋又要加多一圈。
对面Hall今次都更加进取，多咗好多偷垒。喺two down嘅情况，我哋同佢哋喺三垒嘅跑垒员都激烈咁对峙。讲真，无一支team train咁耐喺嚟顺粹参与，而且今次仲要距离咁接近。
Thomas换出去投球，睇得出打足三个钟佢已经好攰，连脚步都更加乏力。
第一球，坏球。入夜之後嘅疲劳加上吹起嘅海风，令球有啲更难预测。Thomas调整咗一吓姿势，投出第二球。坏球。第三球飞过，好球。我原来担心嘅心情都放轻咗少少，但我望到Thomas都仲系皱住眉头。第四球，坏球。
全场都望住Thomas。其实正常地去到咁後，开始失准都正常。而我哋呢边嘅投手实在太少，令到Thomas投咗其他我哋队其他投手嘅两三倍。我哋呢边嘅观众开始露出少少失望嘅情绪。
「唉，攰啦佢。」「俾我都攰啦，投咁多次」「唉mola mola」
「顶你啦，有啲信心得唔得啫。」Benjie打断佢哋嘅对话。
第五球抛出，好球。
第六球，一系就三振，一系就自动上垒。两好三坏，真系五十五十。
绿色嘅球飞过。球证举高手。
坏球。
对方嘅球员施施然咁跑返本垒，接受堂友嘅欢呼。
「唔紧要，仲有！」「喂，唔好放弃啊」
Thomas将头盔掉落地下，双眼紧闭。佢嘅队友拉返佢去场边，
「无事喎，仲有?嘛」「得啦，仲有得追嘅。」
8号波衫嘅freshman仔仔首先拎起球棒。两球飞过，第三球打中，上垒成功。之後嘅11号同3号都被对方foul走。12号再次上场，大家又再次将希望压喺佢身上，结局四球坏球，自动上垒。已经two down 嘅我哋非常危险，只求追返和。22号为我哋再上一垒，8号都急速咁上到三垒，急於求成嘅佢，已经准备好，擘大脚再落下一垒。
下一个落场嘅Thomas，我哋已经系呢圈嘅第六个batter。
坏球。坏球。坏球。
第四球抛出，Thomas一挥打出。
8号仔仔已经大脚一跨，准备跑到本垒。但呢个时候，但波传到去佢身边，然後击中佢。
「咇—」
Three down.
对面胜出。
我哋嘅球员沮丧咁集埋一堆，望住对面Hall嘅庆祝声。
怪异嘅声音喺佢哋嗰面发出，系佢哋引以为傲嘅war cry。
Thomas同佢哋队友好颓咁坐低。嚟观赛嘅观众都唔知点样安慰佢哋，咁俾咗两句，