面操场。
「雷仲庭，好难谂啊?」
「生日礼物啫，有咩咁难啊？男仔呢啲，唔系波鞋就系打机?啦」我托一托鼻梁上面嘅黑框眼镜。
「唉呀，唔识呀，啲波鞋咁多款」
「AirJordan实无死啦」
「佢上个礼拜先买咗对」
「DW罗」
「呢只啊？」佢摇一摇手腕上面嘅蓝白色表带配搭住玫瑰金色表面，系当年最兴嘅款色，「我生日佢先送咗只俾我，一人一只。不过佢都唔戴嘅。」
「耳机罗」
「唔要！咁奇怪」
「?」
「真系好难谂啊」
我以为自己都几了解Hugo，但原来我连最基本买咩礼物都唔知，但要唔够Christy熟。不过又系嘅，佢系Hugo嘅女朋友，而我，只不过系一个普通朋友。无论几friend，都系一个普通人，连友达以上，都唔可以话系。
「?其实呢?你哋下年?谂住点架？」
「唔知??」面对生日礼物呢啲小事而头痛嘅Christy，反而面对分别好似无咩感想。「佢都揸3个ditional offer，我谂佢都去硬?啦」
「你都去咪得罗」
「我去到都两年後啦，」佢无意识咁搣紧自己手指，我望住喺篮框边缘徘徊嘅篮球，波鞋喺球场磨蚀嘅尖声，系唯一骚扰我哋嘅声音。「两年之後发生咩事，点知喎」
Lab门口被粗鲁推开，一大班仲带住护目镜嘅人热切咁讨论一啲我仲未听得明嘅学术名词。佢企喺後面，纯白嘅短袖恤衫同窄脚嘅西裤非常整齐，好似连佢身上面嘅校徽都特别傲视同侪。
「走啦，拜拜」行入课室拎起书包就走嘅Christy，束起嘅马尾喺身後面左右摇摆。行过嘅Hugo同我挥挥手，就系我全日唯一同佢嘅交集。湛蓝色嘅旗袍同埋军蓝色嘅校服裤慢慢远离我视线，剩低我一个谂紧，佢哋阵会去边度做咩。
作为同时系佢哋两个嘅好朋友嘅我，因为自己一个而失落，又因为觉得失落，而内疚自己锺意咗一个最唔应该锺意嘅人。我望住课室入面被拉开嘅凳，阳光不敌课室入面嘅灯而显得黯淡失色，倒卧喺啡黑色嘅枱上面。我执好嘢，谂紧究竟补习之前应该去边度好。
「Daniel！我哋两个人映一张？」Michelle交咗紥花俾我，我同佢同时望住镜头。唯一一个无毕业袍嘅我，好似终於有一张相系无咁突出。「哗，咁多年後，我哋呢个Supernova组合终於又合体」
「系喎，我哋以前有join过」
「记唔记得当年我哋唱咩歌啊？」
「记得，Someone like you呀嘛」记得，因为系我拣嘅。
「你嗰日啊，病到癫咗都夹硬去，我几惊你顶唔顺啊」
「青春啊嘛?」
走廊嘅灯喺假日并无开哂，喺少少幽暗嘅尽头留底窗口透入嚟嘅光。一间间特别室排喺课室对面，等紧久违嘅人拜访。Musi有声音虚弱喺我嘅耳膜附近震荡，系铜钹铿锵嘅声。
「ok，嚟多次」鼓棍交叉嘅撞击确立咗一早注入我肌肉记忆嘅节奏。结他加入敲击乐器，我心入面都默念住拍子。电子琴暗哑嘅和弦轻轻咁隐藏自己喺人声同结他底下，未背好谱嘅我望住手机，D min minor，B flat，C。我细声咁加入Hugo高亢嘅音域，协和佢嘅声线，手入面来回?住几个琴键。Fun.嘅歌，我一直放喺手机入面，但好耐都无听过。
「我觉得tempo ok，keyboard都ok?我知chorus嗰度可能复杂啲，你使唔使?」
「我ok啊」
手握结他嘅Hugo留低咗多阵喺band room入面，佢啲friend一早就走咗，得返我同佢练和音嘅部分。我同佢拎住写咗少少笔记嘅歌词，听住我哋两个把声协调咁叠埋一齐，令我唔小心miss咗一拍。
「其实你都唱得几好啊，你可以去参加吓supernova」佢嘅右手搭喺我左边嘅膊头，已经系我哋嗰时最亲密嘅接触。
「真心咩？」
「真呀，我会嚟睇?」
「你下年都grad啦」
「咁上网睇罗」
我同佢好似咩都无发生过咁，好似，我无喺SU同佢讲过嗰番话。我以前会以为系因为我自己唔舍得佢，所以先至咁努力将一切回复正常，但呢排，我又谂，嗰时其实系咪唔止我一个咁谂？
碎雨敲落玻璃窗同冷气机上面嘅声音盖过band room practice，当年我同Michelle都一齐花咗好多时间准备我哋喺supernova首歌。就算最後果日我病咗，我都梗躝屍都躝去唱，我无同佢讲点解，净系同佢讲，最後一年，点都要去。
「哗，而家已经变成咁啦？」Michelle探个头入去音乐室入面，对住我讲。
「