eason过左再约出黎打波下！
明仔﹕好啦劲耐无同你猜波啦！
番到屋企，摊左阵，执左阵屋，之後send左个message问Kenny几点上黎，计定时间order pizza。啱啱好，佢七点九到，个pizza餐七点十送到。
Kenny﹕哗光哥叫咁多食唔食得晒呀？
我﹕二人餐再加少少嘢ja wo！你唔好扮细食呀～系喎，你呢个月有无打波呀咁？
Kenny﹕少左好多罗！上个月同阿明佢地打过两次，其余无啦！都系你唔得闲啦，仲好意思讲！
我﹕哈哈，咁你可以搵个另一个师傅架麻！
Kenny﹕咁又唔好！你一日系我师傅终身都系我师傅麻，我第一次俾左你架啦！
我﹕屌～无人想要你ge第一次罗！饮乜呀咁多口水，汽水定矿泉水呀？入雪柜攞俾你啦！
然後我地一路食一路倾一路等九点开波。场波系拿度对祖高域，我一向好锺意睇拿度打波，一来大家都系用左手，多少可以向佢偷下师，二来佢真系好大只，有时幻想如果可以练到佢一半就好啦！结果拿度第一盘竟然输左，好彩後尾回勇番，之後连追三盘反胜祖高域，破纪录第九次攞法网冠军。我一路睇波，一路就同Kenny讲啲战术同步法，佢都几俾心机去听。
我﹕其实拿度ge打法好难学，佢对飞力腿确实系通场跑打不死，但对个膝头哥好伤，反而佢上旋果套打法可以学，但真系要操番多少少肌肉，尤其好似你呢啲瘦猛猛咁！
Kenny﹕我都想做gym架，但无钱入会…
我﹕咁都可以买个哑铃喺屋企举下架麻，自自然就练到手臂力啦。你睇下～（show我左手啲肌肉佢睇）～呢啲都系靠平时举哑铃同掌上压练番黎架！
Kenny﹕我可唔可以试下督下佢呀～（我点头）～哗真系几硬净喎！
我﹕系呀打上旋好睇臂力架，我平时会特别操多啲只左手，你睇，我左右手两只手臂个粗幼度有几大差别架！（又show俾佢睇）
Kenny﹕呢样我好早注意到啦！我以为系因为你用左手打飞机打得多所以粗啲ja（大笑）
我﹕顶你个仆街仔，个脑净系装呢啲嘢！讲正经架！
Kenny﹕好啦！迟啲光哥教埋我健身啦！
我﹕好啦！哗成十二点几啦喎！你仲有无车番去呀？
Kenny﹕哗系喎！原来咁夜啦，光哥，今晚可唔可以又喺你度借宿一宵呀？
我﹕好啦～～不过…
Kenny﹕不过乜嘢呀？
我﹕不过你今晚应承唔准搞我！听朝我要开会…
Kenny﹕放心啦！应承你！唔惊你嬲呀？
我﹕屌都话无嬲罗！咁你快啲去冲凉先啦，啱啦，你着番你带黎还番俾我果条底裤啦，毛巾同瞓觉波衫而家去攞俾你！
（待续）
（六）
果晚Kenny冲完凉，之後换我冲，冲完出黎我同佢各自玩左一阵手机，然後就准备瞓。大概系太攰（明明果日都无打波），所以瞓落床之後倾左唔够几句我就瞓着左，第二朝起左身之後，Kenny借左我啲衫番intern（虽然唔系好啱身，我高佢少少又大只佢少少），然後我地就各自番工。
过左两个礼拜，最忙ge时间终於过左，终於有番啲时间打波，有晚放工约左明仔、星爷同埋阿汉出黎打波，大概系差唔多两个月无打，体力差左好多，好多以前必胜ge波都打出界。番到屋企之後，我send左个p俾Kenny。
我﹕Kenny呀，我今晚同佢地打波，觉得自己体力差左好多！你几时得闲呀？呢排有时间教你打波啦！
（然後大概隔左五分钟）
Kenny﹕好呀光哥！自从你无教我之後我都少打左。呢个礼拜六你得闲吗？
我﹕我礼拜六晚约左人，下昼啦！虽然热啲，你ok吗？
Kenny﹕四点到六点，应该无咁晒，如果ok我book场。
我﹕no problem～
虽然话四点钟个太阳无中午十二点钟咁毒，但六月呢个时间个温度真系几恶顶，所以我打左半个钟就要抖一抖，然後行去场边饮啖水。
我﹕Kenny，无打一排，都仲算keep到下！
Kenny﹕ok啦！反手始终都系唔稳阵，都系要光哥指教下。（停左三秒）哗做咩打半个钟就上气唔接下气咁呀，寻晚打完飞机无体力呀而家？
我﹕顶你！就系知今日要做运动寻晚先无打丁～咪咁多口水啦，继续啦！
然後我地再在球场上激战一个钟多啲，中间休息左一次，打到後来，终於有番越来越顺的感觉，球感开始番黎。大约到5:45，Kenny提议不如开game。
Kenny﹕光哥呀！同你练左咁耐都未同你1 on 1过，虽然明知会呑六蛋，但我都想玩下呀！