我﹕叫我阿光得啦。系佢学嘢快姐，佢就快打赢我架啦！
Kenny﹕光哥系咪你怕我就打赢你所以呢排唔搵我打波呢？
我﹕边系呀！系你有女朋友唔得闲湿我姐！
Kenny﹕我边系啲有异性无人性ge人呀，等我忙完实搵你。
成个影相过程，见到Kenny同Nicole好sweet sweet，果刻我有种mixed feeling。见到个衰仔搵到个人对佢咁好当然替佢开心，但另一方面真系觉得我同佢距离好似越黎越远咁。当然，我知道我唔可以强求啲乜，我哋只不过系打过几次飞机的好兄弟遮。
隔咗两个礼拜，我send咗个message俾Kenny。
我﹕喂衰仔？几时忙完呀？几时得闲打波食饭呀？难得你毕业，要请你食餐饭呀。
Kenny﹕好呀！不如约六月头啦，我都想见你呀光哥，我到时都有个消息要同你讲！
我﹕好啦咁暂定六月头啦。
消息？佢会想同我讲啲咩呢？
後来我地约咗去一间日本餐厅食饭。本来想食饭之前约打波的，但废事打到身水身汗黎高级餐厅食饭搞臭人地个场，加上果几日一直都落雨，所以我地最後只好约dinner。坐低咗，点完菜，我地就开始倾计。
我﹕喂你又话今日有消息同我讲？乜嘢咁神秘呀？
Kenny﹕哈哈你仲记得呀！系呀之前未同你讲系因为未firm，而家确实咗就讲得啦！我黎紧会去英国读硕士呀。
我﹕哗劲喎，唔怪得之前唔听你讲搵嘢做啦！
Kenny﹕系呀～daddy话有书就读完晒佢先出黎做嘢喎，而且我都想去外国体验下。
我﹕咁你即系去几耐呀？
Kenny﹕好似八月底定九月头先开学，但我想早少少过去适应环境，应该去一年啦。
我﹕咁正ge！
Kenny﹕我七月打算搞farewell party架！你得唔得闲黎呀？
我﹕你定咗日子再同我讲啦。
然後我攞左份毕业礼物俾佢。
Kenny﹕可唔可以而家拆架？
我﹕哈哈，你唔怕尴尬咪拆罗？
Kenny﹕哈哈！唔通系sex toys？
我﹕顶～我唔知你有呢啲癖好喎！
Kenny﹕咁我拆架啦！
佢打开咗，系一打Levis底裤。
Kenny﹕哈哈！光哥你点解送呢样嘢俾我ge?
我﹕你咁有钱好似乜都有咁，都唔知送乜！本来想送只网球拍架，但见你呢排又唔系点拍波！记得你第一次上我屋企见我着Levis under话我有钱呀麻，咁咪买够一打俾你罗！
Kenny﹕哈哈你仲记得呀！多谢晒呀光哥！够晒实用呀。
果餐饭，佢就一直讲到佢复活节同Nicole去左日本几日旅行的开心事，仲有佢申请硕士入学的经过等等。
全晚，我简直觉得系被双重打击。虽然，我一直笑笑口咁对住佢。
（十七）
大概知道Kenny就黎去读硕士，加上天气开始热，所以我主动约多咗佢打波。果一排我几乎每晚都打番两三晚波，而佢几乎约亲都出，话自己都想练番好啲球技咁话。果一个几月算系自从我地相识後见得最密的一期，有时打完波会去埋食饭或者宵夜，不过有时佢打完波就会去陪女。
有一晚我地打完波之後，Kenny问我。
Kenny﹕光哥呀，我七月中飞呀，打算下个礼拜搞farewell，你得唔得闲黎呀？
我﹕如果周末应该得ge，但你班friend我唔识喎！
Kenny﹕一定拣weekend啦，我会叫埋明仔架，你唔使怕唔识人啦！再唔系我介绍啲friend俾你罗，有几个几索架，仲单身添架！
我﹕顶你～而家你有女巴闭啦！睇死光哥沟唔到女要你介绍呀下？
Kenny﹕讲笑遮！系喎光哥，礼拜六得唔得闲呀？
我﹕得呀？想约我？
Kenny﹕系呀！不如礼拜六约打波之後再去我屋企罗，我有份礼物想送俾你呀！
我﹕哦好啦！礼物？做咩送礼物俾我呀？
Kenny﹕咁你上次都有送毕业礼物俾我呀麻，咁我咪送番样嘢俾你礼尚往来罗！
我﹕哈哈死啦我上次送啲咁ge嘢俾你，你会送番乜俾我呀？
Kenny﹕放心啦！保持神秘，到时你咪知罗。
到左礼拜六，果日我地约左五点打两个钟波，之後再去食饭。果朝我起身果阵收到Kenny个p﹕光哥你带定要换ge衫啦，今晚黎我度过夜啦！
其实收到佢个p时我有竟惊且喜，惊系之前都未去过佢屋企，而且明明话俾份礼物我点解要上埋佢屋企，咁喜当然系佢当我好朋友先会搵